mercredi 29 mars 2017

تفاصيل تسريبات حزب نداء تونس(الحلقة الاولى): سي حافظ فديت من دور الكلوشار والباندي في المهدية .. اني نحب نكون نهار عضو مجلس نواب ؟




 تنشر الثورة نيوز في حلقات تفاصيل ما دار من حوارات في تسجيلات عن اجتماعات حزب نداء تونس... وقد حرصنا على نقل تلك الحوارات الشفاهية بكل امانة ودقة للمساهمة في التأريخ لهذه المرحلة الفارقة في تاريخ تونس المعاصرة... ونحن نرى ان الاعلام حاول تمويه الراي العام فلم يهتم بالاطلاق الى مضمون تلك الحوارات ووجه الراي العام للبحث عمن قام بالتسجيل والتسريب.
هذا الجزء الاول من التسريبات منسوب الى قيادي بحزب نداء الشقوق ونائب بمجلس نواب الشعب عن ولاية المهدية عماد أولاد جبريل الذي قال كلاما على غاية الخطورة  على غرار أنه  " يتعامل مع الناس في المهديّة بالكفّ " مثلما  يفعل النائب الحمزاوي في القصرين ...ونورد اسفله النص الحرفي لكلام النائب المحترم جدا :


عماد اولاد جبريل

"عمري ما شلكت انسان كيما شلكت سي الحبيب الصيد طلعت غالط في لخر لانو بالرسمي ناس كورت بينا كيما حبت ناس لعبت بينا كيما حبت وحتى الكلام هذا قلت الى رئيس الحكومة نهار تالي مشيت نتناقشو على تشكيل الحكومة وقتلو من نهارت الى طالعين ماشين في الوفد قتلو ال سفيان وقعدنا شوية في القهوة قبل ما ندخلو قتلو راني حاسها اللعبة ملعوبة وحاسكم ماشين باش تاخذو البنج من عندو وكيف دخلتلو اول كلمتين حكاهم اتأكدت البنج بدا ياخذ في مفعولو malgré  وقتها في الفترة هذيكا قال البنج فاسد و ما يحوكش في العباد ايامات سعيد العايدي ليوم تسمعش على البنج الفاسد ؟ تسمعش على اللوالب الفاسدة؟ تسمعش على حاجة في وزارة الصحة ؟ اليوم انت كي تعمل تحوير ويني التكنولوجيا الوزير هذايا فينو فاش يعمل ؟  الصحة عندها 30 سؤال شفاهي في المجلس 7ىمن عندي و7 ب detail ونتحداها تجاوبني على سؤال واحد فيهم نتحداهم وهذاكا علاش تجري كالقصبة وللي يمشيلها اي واحد تقلو كلم عماد على خاطر الادلة ثابتة وعلى خاطر عاودت حلت clinique وعلى خاطر راسين في شاشية مع بو شماوي وحلت clinique  جديد وclinique هو بيدو مسكر من عند سعيد العايدي وعندو قضية قدام المحكمة وتعاود تحلو هي مباشرة من غير قضاء و من غير وقع الحكم في المجال هذايا قمة الفساد التعيينات متاعها dernièrement مدير سبيطار في ...يدخل في حزب افاق تونس ويحضر في اجتماعاتهم  متاع ياسين ابراهيم آمس برك دليل على انو افاق تونس يحكم خير من نداء تونس وباش يحس روحو محمي مشا في حضن افاق تونس والبارح في الاجتماعات يبعثولي في التصاور متاعو غادي ...اليوم وزير الفلاحة هذا يبيع في الكلام سمير بالطيب وقت كان البرا مصلي على النبي في البلاتوات تقول هذا بشر كان نحطوه الراجل تصب المطر ..المطر تصب ينسب فيها الى  روحو واصلاحات ما فما حتى شيء ...الوزير الي كان سابق نتهموا فيه الي هو نهضاوي كان يقضيلنا الى نداء تونس خير منو هو لانو وقتلي صارت عديد الكوارث على المستوى الفلاحة والسقوي  الموجود سوى كان في  المنستير نتذكر حكيت عليه  ولا في المهدية وقع التدخل في 15 يوم وتعويض الفلاحين ...اليوم مناطق سقوية بالكامل اصبحت عبارة عن صحرة وهو يجي يعملي 4 تصاور و يروح ...نتكلمو في الحقيقة هذايا شنوة التحوير الوزاري الي صار اليوم التجارة والصناعة احنا شنوة قلنا في التجارة والصناعة عندنا انسان كان موجود عبارة سكرتير يشد يحل الفايسبوك في الصباح يحل يلعب الكارطا ويروح ...اليوم سي فيصل الحفيان ...مانيش نلوم على فيصل الحفيان على خاطر موش عاطينو حتى خدمة ...الملفات الكل هاز لاخر حاطهم غادي اول ماجيت ساعا انت باش تفهم انت  الحكاية طول دخل للوزارة قال لا اني باش نخدم في وزارة التجارة خذا البيرو متاع الوزير وبعد تالي مشا خذا البيرو في وزارة الصناعة  ...والملفات الكل مكدسها غادي في الصناعة لا فاهم روحو هو توا لا بش يخدم صناعة ولا باش يخدم تجارة ...وعلى فكرة راهو الوزير هذايا اسمو الاه النوم لانو كي كان في التشغيل عمري ما ريت وزارة بالشكل هذاكا كنا نسكنوا في المشتل الخيم الموجودة والاعتصامات الموجودة شرايط والدبش معلقو الخلاعي والهم الازرق منشور قدام الوزارة ...الكليك شادة غاديكا ما تدخلش حتى قدام وزارتو باش ينحي الاعتصام ...قدام وزارتو مطلبناش منوم نو باش يهبط للقصرين ، القصرين جاتو غادي وماعماللها حتى حل حتى مع الشباب الي موجود غاديك لا تكلمت عليه  media  ولا facebook ولا دنيا ولا اعلام ...الراجل راقد اليوم ...نتذكر محسن حسن كي كان في التجارة النهار الكل الاعلام يحكي عليه بيه وعليه اليوم تسمعش حاجة  على التجارة تسمع كان وزرة نداء تونس ناجي جلول وانيس غديرة وفلان فلتان المشاكل كان في المالية هاو البلاد هلكها هاو البلاد خلاها ايه تويكا البلاد لاباس ؟ ماو الكلمة الي قلتها ال سي الحبيب الصيد باش نقولها ليك انت سي حافظ :لوكان جا ماو قال فما معتمد قلي ارحل شقلنالو احنا في المداخلة قلنالو لو كان جات عندك قيمة وقدر وهيبة راهو المعتمد هذايا ما تجرأش عليك اليوم نداء تونس تونس يا سي حافظ  البهيم القصير لات يشاوروه ولا يناوروه وكان جاء نداء تونس عندو قوة وفاعلية راهو السيد رئيس الحكومة ما يتجرأش باش يعمل هذايا وشكون ركب رئيس الحكومة على نداء تونس ركبوه نداء تونس  كيفاش ؟ وقتلي نسا رئيس الكتلة في الحج نهارة الي مروح شنوا صار في الاجتماع في hôtel جابين اعضاء الحكومة تستقوا بيهم وقتها على الكتلة النيابية  هذيا حقيقة بعد تالي رجعت المياه الى مجاريها مع النواب ومع الحزب وشكون توا هاز الحزب وشكون توا يضرب على drapeau الحزب؟ النواب الى كانوا مس في الايام مخونهم الحزب .وينهم النواب الي كانو قبل يضربو عل الحزب وقالو الكتلة داخلة في حيط تاخذ في المال الفاسد وينهم ؟نشوف كان في سي شاكر العيادي  وسي كمال حمزاوي لانهم ناس قالك من نهار اللول احنا عملنا ضغط معين وبعد التالي الكل ايد وحدة نخدمو مع بعضنا واول ما نطالب ولحمة وحدة هو سي كمال حمزاوي  وقلك نرمال تسير لحكاية  ولخرين وينهم اليوم اني واحد من الناس أمس نطلب في سي يوسف الشاهد اذا ما فماش 80 تليفون تعرف شعملي ولّا؟ اعملي appel هو طلعلي يوسف الشاهد اني باش نهز و هو علق تفهم فيا ولا لا رجعتلو بالوقت عالبلاصة ما هزش علي باش غدوة يقلي ماني طلبتك وانت ما هزيتش وقعدت نكلم فيه ال نص الليل تعرف علاش نكلم فيه لانوا احنا  حتى روح التضامن ما فماش في بعضنا احنا نواب نضربو في بعضنا وزرة نضربو في بعضنا كتاب دولة و وزرة نكمبنو في بعضنا احنا ليوم نعيشو في زمن الفوضى شمعناها كي تبدا عندك حاجة منظمة يلزمك كاينك انت تقول نظام يجد الفوضى موش فوضى تجد التنظيم العكس اليوم المهدية الي عمرها حياة عمرها مريقلة اسي حافظ ...خليني نكلمك اليوم عندك معتمدية مخنوقة اسمها الشابة ما يدخللها لا تتعد منها لا تدفن ميت ولا تعمل فرح ولا تتعد ambulance لانو البلاد مسكرة عل 4faces الكيسات الكل الي تهز للشابة وتهز لصفاقسو اليوم نمشو في  5يوم واليوم التدخل بل chromogènes  نتيجة  تصريح نواب الي هي انس الحطاب تصرح باش ترد على ريم محجوب ترجعلي ريم محجوب بطلة وتقضي على حاجة اسمها نداء تونس ويطلع المنسق الجهوي اليوم كناشط سياسي ويولي هو ضد الحكومة ونداء تونس الكل مجيش ضد روحو ضد حكومتو ونلق روحي اني نعوم وحدي في الشايح لا ثمة سعاد الزوالي ولا ثمة محمد الناصر ثمة كان عماد اولاد جبريل يا خويا كيما قال سي رمزي اني حملت حملت حملت حملت اليوم ما عندي ما نعمل اني سي ناجي جلول بارك الله فيه يهز التليفون عليا اما ما يقضليش قضيتي تعرفش علاش ؟ لانو الناس الي حاطة سي ناجي جلول كيما سي فتحي الخميري الي غايتو هو باش يصلح الوضعية متاع سي ناجي جلول ،سي فتحي الخميري تاريخو شنوة اتحب ولا تكره يحن ، اليوم الكاتب العام متاع النقابة الاساسية متاع التعليم الثانوي الي يسب صباحا مساءا ويوم الاحد في سي ناجي جلول و الي البارح باركة مازال كي هبط poste جديدة يسب فيها في يوسف الشاهد ويدعو الى اقالة الحكومة وشكون رئيس الحكومة القادم يتعينلي هو في المحلية متاع السواسي  ايه مارجعت ايه ماهو يسلم سيدي عاد
حافظ السبسي: ماهو هذاكا دورك
ماهو اني سي حافظ فديت من دور الكلوشار والباندي في المهدية ،  اني نحب نكون نهار عضو مجلس نواب ، هاو جاء بحذايا سي انيس غديرة ، ان نتعامل بالكف في المهدية على خاطر ماعنديش حزب ، اني غادي نتعامل بالكف معنتها يا تعاملني يا نبعثلك جماعة يفشخوك بطريحة ،هذا اش وليت نعمل اني ،وليت حمزاوي2 ،ماهو الحمزاوي يخدم بالكف في القصرين اني وليت هكاكة .لا بالحق نحكي على خاطر ما عنديش حزب الي باش يوقف معايا وما عنديش رئيس حزب وما عنديش رئيس الحكومة .شنوا قال سي يوسف الشاهد قبل ما نحكموش توا باش نعينوا معتمدين اي يا سيدي شد عندك اني تعينلي معتمد على حساب نداء تونس في اكودة ويقولو نداء تونس واني ما نعرفوش  جيت نشوف الراجل نلقاه افاق ومتعدي في liste من هنا اشكون جابوا قلك جابتوا سعاد الزوالي احليلي انت جيتي في دقيقة 90 للحزب ملقيناش مرا جابوك من تونس حطوك قاتلك انت تنتمي الى العايلة كذا اييه ما قتلكش لا و نخدم معاك اليوم و غدوة وبعد غدوة تي اني الحزب تبنا غادي وقتلي حد ما يحل فموا راهو ،اليوم وقتلي انت تجيبي واحد كيف هذايا ما تعرفيش الجهات راهو ولد الافاق نحطو على نداء تونس علاه وشنوا يصير غادي تشعلك الجهة ،اليوم لا نحكمو و لا نعارض واليوم عرفتوا كيفما شكون احنا كيف المثقف التونسي اللي يخرج من دار الصحفي الساعة الواحدة بعد منصف اليل ويحوس في l’avenue وحدو لا فاهم روحو دارو وين ،وين باش يمشي وغدوة اش بش يعمل .النداء اليوم نحب نقول حاجة وحدة :والله العلي العظيم ما نعمل كا ما في وسعي داخل الكتلة و خارج الكتلة ومع النواب الكل انو التحوير هذايا لا يتعداها ولاهو باش ياخذ التصويت هذي لولة ومانيش منظبط لا للحزب لا للكتلة وثاني حاجة اعتبروني من اليوم بعد اللي صارلي في المهدية اليوم والكرطوش يخيط في البرادعة والناس تسب في نداء تونس ويقلك هاو شكون انتخبنا وهاو باش يكافئو فينا ،اليوم سي حافظ اني عمري ما حكيت معاك في الحاجة هذي تقلي انت ما عندك حتى مقر في المهدية محلول والكليك سكروا والكليك عندها قضايا في المحاكم هذي لولة وين المجالس الجهوية باش تعملوها مع شكون وكيفاش وباش،اليوم كان عندك شوية نفس  اللي هي صوت النواب داخل البرلمان ونتعمدوا ساعات باش نattaquéلحكومة باش نكسبو شوية شعبية عند لعباد اليوم صبحنا اش يقلك هذاك النائب متاع الكلام اكهو كان لحديث وكيما قال سي حسن البكري متهمينا الى احنا نمسكيو به الكلام هذايا ونحكيو فيه بالفارغ اليوم انت عندك انت تعرف انت في القلعة هاو سي شكري موجود، بالله يا شكري المعتمد متاع القلعة الصغيرة شكونو تي cpr الراجل وتقلي 10 من 16 هاو شنوة فما هو هاو باش نلخصلك الموضوع شنوة الموضوع كامل احنا ما عندنا حتى نائب يعرف روحو الي هو نائب عندنا قلة قليلة تعترف الي هي نواب اي وزير يجي ،توا واحد كان يشلك وزير تترفع الجلسة يمشولهم يجري الكليكاية، تلاه ماشيلو تجري تكنت شامت فيه وكنت تنقد فيه تترفع الجلسة يمشولهم يجروا يسلمو عليه شنوا؟ اليوم يدخل كتلة نداء تونس ويعمل شاطح باطح ويدور والناس الكل تسلم عليه بالبوس وكذا واني قلتهالو بحذا سفيان طوبال قتلو انت لعبها راجا مطافئ متاع الحكومة راك فاشل وما تجيش راجل ونعاود نقولهالو واليوم يوسف الشاهد هو الي خانا موش احنا الي خنّاه واللي يخون تويكا بمنطق نتراواو يا ولدي اتراواو في عقلكم صدقوني نهار الثلاثاء جلسة عامة لا تلقى واحد ....واني الحمد الله ما عنديش مصلحة كان مع ناجي جلول انت غدوة الحي نشد كارطابلتي ونهبط نقري وتو نولي نعمل في الاحتجاجات ضدو والسلام.


mardi 28 mars 2017

وفاة والدة عمر منصور... رحمها الله و جعل الجنة مثواها




تلقينا ببالغ الحزن والأسى نبأ وفاة فقيدتكم الغالية تغمدها الله بواسع رحمته، وأسكنها فسيح جناته، وألهمكم جميعًا الصبر والسلوان.. إنَّا لله وإنَّا إليه راجعون.

وتتقدم هيئة تحرير الثورة نيوز  بأحرِّ التعازي إليكم وإلى أفراد العائلة الكريمة.


ناجي جلول... الورقة المحترقة




 الصراع بين النقابة العامة للتعليم الثانوي ووزير التربية ناجي جلول كاد يعصف بالتوازنات التاريخية داخل اتحاد الشغل، حتى تعالت أصوات من قطاع الأساتذة تطالب بالانسلاخ عن اتحاد الشغل على خلفية امتناع عضو المكتب التنفيذي البوغديري عن إمضاء قرار تعليق الدروس.
 ومعلوم أن بلقاسم العياري (صديق حميم لنور الدين بن تيشة ورؤوف خلف الله) هو ولي نعمة محمد علي البوغديري الأمين العام المساعد للاتحاد العام التونسي للشغل (البوغديري عوض العياري على راس الاتحاد الجهوي للشغل ببن عروس كما عوضه على راس القطاع الخاص).. والذي استنجد به من أجل تعطيل قرار الإضراب... مما حدا بالطبوبي الى سحب البوغديري وتكليف سمير الشفي بالاشراف على اجتماع الهيئة الإدارية لقطاع التعليم الثانوي... حيث انتهى الاجتماع الى منح الحكومة مهلة زمنية من اجل إقالة وزير التربية.
هذه الأزمة قد وصلت إلى طريق مسدود حيث بات من الضروري تجاوز الأزمة بإقالة ناجي جلول الذي فشل في إدارة وزارته وتصادم مع كبرى نقابات اتحاد الشغل وعجز عن احتواء ملفات وزارة التربية.
قد يكون لائقا بناجي جلول تقديم استقالته والانسحاب لحفظ ماء الوجه.

منتدى ماسوني يتدخل في التعيينات




 الطاهر الرفاعي

وصلتنا معلومات على غاية الخطورة حول النشاط المشبوه لمنتدى قرطاج للأمن والتنمية Forum de Carthage pour la Sécurité et le Développement (يراسه المدير العام السابق للتعاون الدولي بوزارة الداخلية الطاهر الرفاعي الشهير بالطاهر فلوس) والذي بعثه عراب الماسونية كمال اللطيف لخدمة مخططاته ومصالحه.





رئيس حكومة سابق يتجسس على يوسف الشاهد




بلغت للثورة نيوز افادة حول تورط اطار سام برئاسة الحكومة في الاطلاع على ملفات حساسة تخص الامن القومي وتسريبها لفائدة رئيس حكومة سابق حيث اعتاد ارسالها له حينيا عبر الفاكس.






قابس : الاشتباه في تورط قاضية وشقيقها في الارهاب




نجحت منذ اسبوعين احدى الفرق الامنية المختصة في مكافحة الارهاب في الكشف عن خلية ارهابية بمدينة قابس تتكون من 3 انفار وذلك اثناء مداهمتهم لمنزل به رجل مشتبه بالارهاب محل متابعة ومراقبة وبرفقته سيدتان منقبتان وحجزهم لمبلغ مالي هام يقدر بـ72 الف دينار وبالتحري مع الموجودين بالمنزل اتضح ان احدى المنقبتين (ش.ح.) وهي شقيقة المشتبه به وصاحبة المنزل وتعمل قاضية بالمحكمة العقارية بقابس حديثة العهد بالقضاء... فتم ايقاف الشقيق واحالته على القطب القضائي لمكافحة الارهاب فيما احيلت القاضية على التفقدية العامة بوزارة العدل لسماعها بخصوص تحوزها على المبلغ المالي الهام وقد تاكد للثورة نيوز انه تم الافراج عن شقيق القاضية.









مدوّن يعترف بارتباطه بفرقة المهمات القذرة




اثناء البحث مع المدون سليم الجبالي صاحب صفحات وزير ضغط الدم والسكر اثر ايقافه اواخر السنة الفارطة على خلفية الشكايات التي رفعتها عدة اطراف اعترف لدى باحث البداية بانه عمل على تشويه سمعة عدد من السياسيين والاعلاميين والامنيين ورجال المال والاعمال بتحريض من كل من عبد الرؤوف بن خلف الله ونور الدين بن تيشة والمحامي لزهر العكرمي مؤكدا على ان هذه الاطراف خدمت به (على حد تعبيره) معبرا عن ندمه وقد تمكن باحث البداية من تسجيل كل الاعترافات اضافة الى تحريرها في محاضر عدلية... 


غير ان دوائر نافذة قامت بسحب الملف من الشرطة العدلية بالقرجاني واحالتها من جديد على احدى فرق الحرس بالعوينة حيث تم تغيير المحاضر العدلية بعد تامين تراجع المدون عن اقواله السابقة بعد ان زاره محام في السجن وساومه.

رؤوف خلف الله

ومنذ تاريخ سجنه باشر رؤوف خلف الله بنفسه الاشراف على ادارة صفحات وزير ضغط الدم والسكر.


تحدثوا عن عقد وحيد لإسداء خدمة لرياض المؤخر ...و تناسوا ستة عقود صبرة واحدة لشوقي الطبيب...عقود إسداء الخدمات في هيئة مكافحة الفساد: الفساد المقنّع




المعطى الأول الذي لابد من الإقرار به في باب التذكير ان هيئة مكافحة الفساد تتركب من رئيس ومجلس وجهاز للوقاية والتقصي وكتابة عامة إلا أن رئيس الهيئة شوقي الطبيب انفرد بالتصرف ليعبث بموارد الهيئة ويغدقها على الأحباب والأصحاب والمتقاعدين متجاهلا بقية أعضاء مجلس الهيئة الذين لا يمكنهم التنصل من مسؤوليتهم الجسيمة المتمثلة في ضرورة التصدي لسوء تصرف رئيس الهيئة. صحيح ان البعض من أعضاء مجلس الهيئة عبروا عن امتعاضهم من التجاوزات الخطيرة للرئيس الذي حوّل الهيئة إلى ضيعة خاصة يعبث بمواردها الأحباب والأصحاب ولكن استقالتهم لن تغفر لهم سلوكهم السلبي الذي ساهم في مزيد إهدار المال العام واستفحال الفساد باعتبار الشلل الذي فرضه الرئيس على الهيئة. 
لقد اصيب ضحايا الفساد بالصدمة لما أدركوا ان مشاغلهم ومظالمهم ومعاناتهم تبقى من آخر اهتمامات رئيس الهيئة الذي يعشق التصريحات الجوفاء واللقاءات التافهة والظهور بالإذاعات والتلفزات عوض الانكباب على ملفات الضحايا ووضع السياسات التي من شأنها الحد من الفساد. ان عدم وجود تنظيم ودليل إجراءات للهيئة لخير دليل على إهمال رئيس الهيئة الذي تبقى نجاعة العمل داخل الهيئة من آخر اهتماماته. 
و المعطى الثاني والذي لابد من ذكره هو لماذا تحركت الماكينة من كل حدب وصوب حول العقد الذي ابرمه وزير البيئة والجماعات المحلية رياض المؤخر مع مستشاره الخاص منير الفرشيشي وتناسوا العقود التي تصب في نفس الخانة والتي ابرمها شوقي الطبيب رئيس هيئة مكافحة الفساد مع عدد من المحامين والطلبة في اطار عقود اسداء خدمة دون العودة لا الى رئاسة الحكومة ولا فتح المجال امام الجميع في اطار تكافؤ الفرص وفرض الشفافية التي كان لزاما على الهيئة ان تفرضها هي الاولى وتكون قدوة في ذلك ...


الفرق بين هيئة الفساد وهيئة الحقيقة والكرامة

في مجال إبرام عقود إسداء الخدمات عاج شوقي الطبيب من بوابة هيئة مكافحة الفساد إلى التعاقد مع عدد من المحامين والطلبة الذي انتقاهم لخاصة نفسه من المقربين له من الأحباب والأصهار وابرم معهم على الهوى والهوية عقود إسداء خدمات وقع التمديد فيها دون ان تأخذه العزة بالنفس إلى فتح الباب أمام جميع المحامين والطلبة حتى تتمكن الهيئة من اختيار الأنجع والكفء ... حيث وفي ذات السياق تبين أن هيئة الحقيقة والكرامة أبرمت هي الأخرى عقود إسداء خدمات من خلال انتداب أخصائيين نفسانيين وأطباء وطلبة ومحامين ولكن بطريقة فيها من النزاهة ما فيها حيث قام بفتح باب الترشحات أمام الجميع تكريسا لمبدأ تكافؤ الفرص ووضعت مقاييس موضوعية للمترشح وشروطا للمشاركة ونشرت بلاغها في الانتداب عبر موقعها على الانترنات وفي الصحف ...في حين لم نر أي بلاغ انتداب لهيئة مكافحة الفساد التي مررت عقود إسداء الخدمة تحت «حس مس»





التحيل على القانون

صحيح ان إبرام عقود إسداء الخدمات مشرع قانونيا ومسموح به ولكن من باب الأخلاقيات ومن باب الشفافية والنزاهة ان يفتح المجال لكل الراغبين في التعاقد لا ان يتم الاختيار على أشخاص دون غيرهم في السرية التامة في صورة أشبه ما يكون بالتحيل المقنع أو التحيل تحت عيون المشرع ...
فرئيس هيئة مكافحة الفساد شوقي الطبيب استغل هذا المنفذ القانوني وهو محام وحيث قام بمفرده وفي سرية تامة بإرسال مذكرة إلى كاتب عام الحكومة حول طلب الموافقة على عقود إسداء خدمات وارفق معها الشهائد العلمية والسيرة الذاتية للمتعاقدين وتقرير الأرشيف للهيئة المتضمن لإحصائيات دراسة الملفات وجاء في مقدمتها ان الهيئة قامت بالتعاقد مع عدد من المحامين وطلبة المرحلة الثالثة في القانون للقيام بدراسة الملفات التي قال ان رقمها بلغ 9 ألاف ملف وأكد الطبيب ان المتعاقدين تولوا ولحد كتابة المراسلة التعاطي مع أكثر من 1900 ملف... وبناء عليه فان أولى الاخلالات التي تبرز للعيان هي كون الهيئة تعاقدت مع مجموعة من المحامين والطلبة دون ان تكون رئاسة الحكومة على علم بعملية التعاقد رغم كون المتعاقدين من المنتظر ان يقع خلاص أجورهم من رئاسة الحكومة وهو ما يدعو إلى طرح أكثر من سؤال... بيد ان السؤال الجوهري والحارق في هذا السياق يتمثل تحديدا: على أي أساس تم التعاقد مع فلان دون علان ولماذا تم الاختيار على الطالبة الفلانية دون الطالبة العلانية وهل فتحت هيئة مكافحة الفساد باب التعاقد أمام الجميع وتم اختيار المتعاقدين على أساس الملفات مثلا أو المناظرات مثلا في إطارات احترام مبادئ المساواة والشفافية وتكافؤ الفرص أمام الجميع كما نص على ذلك رئيس هيئة مكافحة الفساد في مراسلته « الزجرية» الموجهة إلى رئاسة الحكومة بتاريخ 30 مارس 2016 ...ثم على أي مقياس تم اختيار السادة المحامين والطالبات : هل للكفاءة أم لأشياء أخر... وغيرها من الأسئلة الحارقة التي سنحاول الظفر بأجوبتها مع تصفح الأسماء المذكورة تباعا.
جاء في المذكرة التي أرسلها الطبيب إلى رئاسة الحكومة للموافقة على عقود إسداء الخدمات اسم المحامي هاشم بدرة وأوكلت له دراسة وفرز الملفات والشكايات المودعة بإدارة الهيئة والتحري عن أوجه الفساد المالي والإداري في عقود الأشغال العامة وعقود التشغيل والصيانة وغيرها من العقود المتعلقة بالشأن العام ومصالح المواطنين في الجهات المشمولة باختصاصات الهيئة ومتابعة وسائل الإعلام السمعي والبصري لتقصي أوجه الفساد والتحري فيها وتسند له منحة جملية قدرها 2020.000د يخصم منها 303 دينار للاداءات ليكون الأجر الصافي 1717.000د ... وتعاقدت الهيئة مع اسم المحامي انس بن مالك الذي يعرفه الجمهور المتابع لقناة الحوار التونسي ..يتقاضى نفس الأجر الذي يتقاضاه سالفه الأستاذ بدرة ومهمته دراسة الملفات وإحالة المخالفات والتجاوزات المتعلقة بالفساد المالي والإداري عند اكتشافها إلى الجهات الرقابية أو جهات التحقيق بحسب الأحوال مع إبلاغ رئيس الهيئة فضلا عن الاطلاع على وسائل الإعلام المرئية والمسموعة وتقصي أوجه الفساد ومتابعتها. وبملف دراسة الملفات والتحري عن أوجه الفساد المالي والإداري في العقود التجارية التي تؤدي إلى الفساد وإجراء مراجعة دورية للأنظمة واللوائح ذات الصلة لمعرفة مدى كفايتها والعمل على متابعة الملفات وتم التعاقد بنفس الأجر مع المحامية مفيدة بنت المولدي بالغيث .. فيما كلفت المحامية سلوى اللافي بدراسة الملفات ومتابعة تنفيذها مع الجهات المعنية ورصد نتائجها وتقويمها ومراجعتها بنفس الأجر الجملي وقيمته 2020.000 د ..و بنفس المهام المنوطة بعهدة الأستاذ هاشم بدرة تم التعاقد مع الأستاذين كثير بوعلاق وذاكر العلوي . هذه الدفعة الأولى من الأساتذة لا نعرف نحن ولا يعرف المسؤولون كيف تم الاختيار عليهم من مجموع الأساتذة الموجودين على الساحة الوطنية ولا نعرف كيف تمت عملية الانتقاء وعلى أي مقياس ...
 كما تم التعاقد مع الأستاذتين آمنة اليحياوي وريم قماطي حيث كلفت الأولى بدراسة الملفات المتعلقة بالشأن العام ومصالح المواطنين والعمل مع الجهات المعنية ومؤسسات المجتمع المدني فيما كلفت الأستاذة قماطي بمتابعة الملفات المشمولة باختصاصات الهيئة بما يجب عليها إزاء تطبيق الأنظمة ... ونشير في هذا السياق ان التعاقد مع هذين الاسمين فيه من جهة أولى نزعة جهوية على اعتبار انحدار القماطي من نفس الجهة التي ينحدر منها الطبيب ومن جهة ثانية فيه نزعة عائلية على اعتبار ان اليحياوي تربطها علاقة دموية برئيس الهيئة.
 كما اختار رئيس هيئة مكافحة الفساد التعاقد مع عدد من الطلبة على غرار واصف البقلوطي طالب مرحلة ثالثة قانون وفاتن بن طالب طالبة مرحلة ثالثة قانون ونسرين المينياوي طالبة متحصلة على الإجازة التطبيقية ربما تم اختيارهم على مبدأ الخصاصة وربما على مبدأ الكفاءة وربما على مبادئ أخرى عن طريق زيد او عمر أو ربما لارتياح شق نفس الطبيب النقية لبعض الوجوه منهم وقد كلف كل واحد منهم بمهمة ليس لها لا رأس ولا أساس ويتقاضى واصف وفاتن منحة جملية قدرها 1300 دينار لكل واحد منهما فيما خصصت منحة جملية لنسرين قيمتها 1000 دينار... ولكم ان تسألوا كيف للطبيب ان يتعاقد مع هؤلاء دون سواهم من الطلبة ؟



اندهاش من تعامل الطالبات مع الطبيب

نقلت عيون الثورة نيوز من داخل هيئة مكافحة الفساد القابعة قبالة حديقة البلفدير بشارع الطيب المهيري بعض التصرفات التي تأتيها بعض الطالبات المنتدبات داخل الهيئة حيث علق البعض عن علاقات محيرة حتى ان التحدث الذي تأتيه طالبة من الطالبات مع رئيس الهيئة يوحي وكأننا في فضاء اقرب ما يكون بمقهى مختلط وليس في رحاب هيئة دستورية لها حرمتها ونواميسها...


فرض وسنة

ضجة كبرى ولها اسبابها صاحبت العقد الذي ابرمه وزير البيئة رياض المؤخر مع مستشاره الفرشيشي وصمت مدقع ومريب ازاء العقود التي ابرمها شوقي الطبيب مع احبابه وخلانه ولنا ان نسال لماذا هذا التكتم رغم علمنا ان الطبيب انتفض انتفاضا بعد أن نزلنا له العقود في وقت سابق وها نحن نعيد الكرة من باب التذكير ومن باب القول ان يقدم النواب الاحرار مثلا على التحدث في مثل هذه العقود وفضحها ومساءلة رئيس الهيئة ... لننتظر...






في تونس... سعر الشيشة بـ70 دينارا!





تضاعف الفساد في تونس والتهبت الأسعار وانهارت قيمة العملة  واتسعت رقعة الفقر ... واما عن حياة الملوك فلا تسل... الفاتورة المرفقة في الصورة بلغت قيمة استهلاكها 304 دينار (عدد 2 قارورة كوكا وعدد 2 مشروب طاقي وعدد 1 صحن غلال وعدد 2 كاس ويسكي وعدد 3 نرجيلة "شيشة")... العجيب  ان ثمن الشيشة بلغ 70 دينارا.






عقيد ديوانة يحجّ إلى ميناء رادس كل صباح... تطوّعا لأجل الوطن ؟




اعتاد ضابط الديوانة "منصف صميدة"  المسؤول بادارة الابحاث الديوانية والذي شغل لمدة 15 سنة خطة مسؤول على السكانار والحراسة بميناء رادس التجاري.
  اعتاد كل يوم بين الساعة السادسة والسابعة الذهاب بسيارته متكبدا مشاق السفر في الطريق المزدحمة بين اريانة وبن عروس... لملاقاة مسؤولين كبار بميناء رادس التجاري حبا وعشقا للاصدقاء... من بينهم رئيس مكتب الميناء العميد "ادريس الغربي" في مقهى محاذ للميناء يقع داخل محطة توزيع المحروقات برادس... وحسب التسريبات لا يزال منصف صميدة متعلقا بميناء رادس رغم انه قد غادر الخطة منذ سنتين والحال انه يقطن بحي الاندلس الراقي بجهة اريانة ... يتحكم الى تاريخ الساعة في مداخل ومخارج ومفاصل الميناء... في عمل تطوعي لمقاومة اعمال التهريب.
السؤال : لماذا يصر العقيد صميدة على زيارة ميناء رادس كل يوم ؟... ربما خوفا على الوطن من المهربين.